Haradinaj i konfirmon ministrit danez të Drejtësisë mbështejtjen për marrëveshjen ndërkombëtare e ratifikuar në Kuvend

20:16 | 26 Shtator 2024
E.G

Kryetari i Aleancës për Ardhmërinë e Kosovës (AAK), Ramush Haradinaj ka pritur në takim Ministrin e Drejtësisë së Danimarkës,  Peter Hummelgaard Thomsen.

Haradinaj në një postim në Facebook tha se ministrit i ka shprehur mbështejtjen për marrëveshjen ndërkombëtare që e kemi ratifikuar në Kuvendin e Kosovës, shkruan Arbresh.info.

“Prita sot në selinë e Aleancës, Ministrin e Drejtësisë së Danimarkës, z. Peter Hummelgaard Thomsen. Ishte një takim frytdhënës drejt forcimit të marrëdhënieve midis Kosovës dhe Danimarkës. Ministrin Hummelgaard e falënderova për vizitën dhe mbështetjen që shteti danez i ka dhënë Kosovës në të gjitha etapat.”, ka shkruar ai.

Kreu i AAK-së theksoi se ka kërkuar nga ministri i Danimarkës ta ndihmojë Kosovën në rrugëtimin tonë euro-atlantik.

“Rrugëtimi i integrimit në NATO e BE bëhet me miq.”, shkroi mes të tjerash Haradinaj./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm